lunes, 22 de enero de 2018

GALICIA MÁXICA








              Galicia máxica é unha actividade realizada polo alumnado de 2º e 3º de ESO do EDLG dentro do proxecto " A música, pulso e matriz. saúde na educación".
            Trátase dun proxecto educativo interdisciplinar que ten como obxectivo a formación integral do alumnado, para mellorar a súa calidade de vida e o seu  crecemento persoal, intelectual e cognitivo, a través da aplicación da música e o son para mellorar o desenvolvemento de diferentes áreas do seu cerebro.
             Este proxecto tamén está incluido dentro do proxecto de centro “Mens sana in corpore sana". O traballo realizado ao longo do curso terá como resultado final a representación “Harry e Merincios. Maxia e música”. Harry o Mago, ven a Galicia a visitar á súa amiga Merincios a Meiga para propoñerlle algo que ela non poderá rexeitar. O escenario do seu encontro, será o IES de Celanova, pois hai anos Harry, casualmente… visitou o edificio e quedou prendado del e da súa intrigante historia... Tamén…do grande parecido co seu querido Colexio Hogwarts de Maxia…
                Neste primeiro trimestre o alumnado de 2º e 3º de ESO realizou traballos de investigación sobre a Mitoloxía celta, incluíndo a deuses e deusas, heroes e imaximario popular. A continuación presentamos o resultado. Esperamos que vos guste.


0 comentarios:

Publicar un comentario