23 DE FEBREIRO 2019 DÍA DE ROSALÍA.

Os alumnos do IES Celanova Celso Emilio Ferreiro, réndelle homenaxe a nosa autora mási célebre

Ler máis [...]

CELANOVA SEGUE A SER TERRA DE POETAS

Onte foi un día fermoso. Moitas veces, os docentes sempre andamos a queixarnos de que hai pouca disciplina, de que os alumnos non traballan e un longo etc...Pero ás veces, ocorren pequenas cousas que fan que o túa ilusión permaneza intacta. Onte un alumno de 3º ESO C, Alexandre Corbillón mostroume con toda a ilusión do mundo uns poemas compostos por él, onde se pode apreciar non só unha correcta escritura, senón unha inmensa sensibilidade. Este post para min e moito máis que o recoñecemento ao seu traballo, é un sincero agradecemento, é unha chamada de atención de que o talento está por ahí solto e nós como docentes temos que encontralo e potencialo. Moitas grazas Alexandre.

 Derradeira noite

Ergo a mirada, comezando a deixarme levar

 a ritmo de senza misura lenta.

 Tal vez esa noite se o meu corazón cego, 

non quedara esparexido polos ventos, s

e non morrera para darlle vida ao amor, 

tal vez, tal vez non o faría. 

 Camiñando perigosamente como un trapecista, 

Polas cordas do desexo, 

sen ter en conta a caída.

 Mirando ó frente corro hacia o vacío 

sentindo medo e raiba, 

sentindo amor e morriña 

dou un pulo na cornixa, 

o meu corpo escacha o ar 

crebando o silencio. 

 Sentinme libre como nunca, 

os pensamentos quedaran na cornixa,

 liberándome do teu amor, 

enxoitando co selo da morte. 

 Malec Corbillón 

 Canto máis quero olvidarte, 

máis te recordo, 

canto máis quero alonxarme,

máis perto te teño, 

e é que canto máis quero odiarte

 máis te amo. 

 Malec Corbillón 

 Sen ser doado

 É dificil non berrarlle ao ceo con bágoas nos ollos, 

 cando sabes que xa non poderás estar con el 

 É dificil durmirse entre bagullas e recordos que

 sempre estarán ferindo o teu corazón. 

 É dificil mantela calma e acougar cando sabes que

 unha pedra sempre afundirá no mar. 

 É dificil non pensar nesa persoa a quen máis amamos

 e pola que daríamolo todo por vela feliz, 

aunque esa ledicia implicase non poder estar ao seu carón

xamais. 

 Malec Corbillón 

 Bágoas

 Coa mirada perdida nunha noite xorda e cega,

 chea de recordos que recheaban con sentimento as 

pingas de auga que que se botaban ao suicidio

 esvarando polas miñas meixelas ata acabaren 

caendo a almofada, creando un estalido que rompía 

o silencio que envolvía o cuarto, bagoas que deixaban 

o meu corazón enxoito. 

 Malec Corbillón

Ler máis [...]

25 N. DÍA INTERNACIONAL POLA ELIMINACIÓN DA VIOLENCIA CONTRA AS MULLERES

O 25 de Novembro celebrouse o Día Internacional pola eliminación da violencia contra as mulleres, e no IES Celanova celebrouse cun acto moi emotivo, no que alumnos e profesores uniron a súa voz en contra desta lacra social. A representación consistía en tornar unha árbore oscura e de dor noutra chea de cor, representando o amor e vida. O acto foi o resultado de semanas traballando cos alumnos nas aulas, tanto na construcción da árbore como na elaboración dos manifestos que leron os rapaces. Todo isto amenizado coa interpretación da obra "Ensueño" de Schumman, a cargo de dúas alumnas ao clarinete, e co interpretación dunha canción "Hay algo en mí" cunha letra moi comprometida coa causa. No segunte vídeo podedes ver o resultado do noso traballo

Ler máis [...]

"ONDE O MUNDO AÍNDA SE CHAMA CELANOVA"

          Este ano como novidade o EDLG do IES Celanova participa  no Plan Proxecta no programa      " Proxecto didáctico Antonio Fraguas".

     Este proxecto nace da necesidade de que o alumnado coñeza en profundidade e valore o patrimonio cultural, artístico, etnográfico e lingüístico da vila  de Celanova e a súa contorna máis próxima. Celanova posúe unha riqueza cultural inmensa en moitos ámbitos que os alumnos e as súas familias descoñecen. Este é un proxecto para toda a comunidade educativa; alumnos, profesores de distintas materias e familias participarán activamente nas distintas actividades incluídas nesta fermosa viaxe cultural e literaria pola vila de Celanova.

       O punto de partida será o propio centro, xa que o IES Celanova ocupa un edificio histórico, cunhas dependencias de obrigado coñecemento por parte do alumado. A partir de aquí continuaremos co noso traballo de investigación de cada recuncho de interese da vila, todo iso acompañado polas verbas dos nosos ilustres escritores e cos sons dos tubos do espectacular órgano barroco.

        As actividades que se realizarán co alumnado abranguen distintas materias e temas transversais (Historia, Arte, Música, Debuxo, Lingua e literatura galega…). A busca de información sobre o noso patrimonio cultural e literario incluíndo o propio centro será supervisada pola coordinadora co fin de elaborar un roteiro literario e artístico polas rúas de Celanova. Este roteiro estará incluído no vídeo documental protagonizado polos alumnos que se converterán en profesionais guías turísticos amosando os bens patrimoniais da comarca. Tamén se recopilarán refráns, lendas e todo tipo de historias de distintas zonas na comarca, e que motivarán aos alumnos a relacionarse con xente de distintas xeracións, os avós e bisavós son unha fonte de sabiduría popular.

         Para dar a coñecer a riqueza literaria de Celanova o alumnos farán unha escolma de textos que fagan mención na súa obra á Terra de Celanova e o seu patrimonio.

         Da man do departamento de música coñeceremos o órgano de Celanova. Os alumnos de música explicarán no vídeo documental o funcionamento do órgano e o valor do Coro gótico e os seus facistoles. Tamén amosaremos os instrumentos representados dentro da igrexa e do propio coro.

Ler máis [...]

REVISTA POLEIRO 2018

              Comezamos o novo curso con moita ilusión e con moitos proxectos en mente que esperamos poder levar a cabo na súa totalidade. Queríamos dedicar o noso primeiro post ao último exemplar da  Revista Poleiro, realizada polo EDLG durante o curso 2017/18. Esperamos que a gocedes e valoredes todo o traballo realizado nas súas páxinas.

                                                            REVISTA POLEIRO 2018

Ler máis [...]

VIAXE A BRAGA DO ALUMNADO DE 1º E 2º DA ESO.

O 7 de maio de 2018 alumnado do 1.º ciclo da ESO realizaron unha visita á cidade de Braga. Nela realizaron un roteiro no que visitaron, entre outros, o Arco da Porta Nova, a Sé de Braga, a Praça do Município, o Jardim de Santa Bárbara, a Casa dos Crivos e Praça da República.

Ler máis [...]

CELEBRAMOS A SEMANA DO LIBRO NO IES CELANOVA

Durante a semana do 23 de abril profesores e alumnos realizaron nas súas aulas numerosas actividades relacionadas coa lectura. O resultado deste traballo podédelo ver neste vídeo.

Ler máis [...]